Macho ya mashabiki wa soka nchini yameelekezwa katika Uwanja wa Kimataifa wa Moi, Kasarani, ambapo Harambee Stars watavaana na Atlas Lions wa Morocco leo, Jumapili Agosti 10, 2025, kwenye mchezo wa hatua ya makundi ya CHAN 2024.
Kenya inaongoza Kundi A kwa pointi 4 baada ya kushinda dhidi ya DR Congo na kutoka sare ya 1-1 na Angola. Ushindi leo utawapa tiketi ya moja kwa moja ya kufuzu robo fainali, huku Morocco wakihitaji pointi tatu kuimarisha nafasi yao.
Mashabiki wanatarajia makali ya Austin Odhiambo, ambaye amefunga mabao muhimu katika michezo iliyopita, na uhodari wa golikipa Byrne Omondi kuzuia mashambulizi ya Morocco, ambao hawajapoteza mechi 14 mfululizo za CHAN.
Ni pambano linalotarajiwa kuwa la kasi, la kiufundi na lenye presha kubwa, huku Kenya ikitafuta kutumia nguvu ya mashabiki wa nyumbani kuandika historia mpya.
