Mratibu wa mradi wa vijana wa Mskani Yetu kutoka shirika la Amkeni, Christine Kabuya, ametoa wito kwa vijana kote nchini kukumbatia kikamilifu fursa wanazopewa kupitia miradi mbalimbali ya shirika hilo ili kujiimarisha kimaisha.

Akizungumza wakati wa kikao cha utoaji uhamasisho kwa vijana, Christine Kabuya amewatia moyo vijana wajitokeze, wajifunze na wazitumia ipasavyo nafasi wanazopata, akisema kuwa tayari vijana zaidi ya 200 wameshanufaika na mradi huo kupitia mafunzo, uwezeshaji na uongozi.

Aidha amesema kuwa lengo la Maskani Yetu ni kuwa jukwaa la kukuza vipaji, kuimarisha stadi za maisha na kuwasaidia vijana kupata mwelekeo wa kiuchumi, akisisitiza kuwa hakuna kijana anayepaswa kubaki nyuma katika safari ya kujijenga.

“Nawahimiza vijana wajitokeze na kukumbatia fursa tunazowawekea. Hakuna kijana anayepaswa kubaki nyuma wakati uwezo wa kubadilisha maisha yao upo mikononi mwao .Kupitia mradi wa maskani yetu, zaidi ya vijana 200 tayari wameshanufaika, na tunataka idadi hii iongezeke. Vijana wakipewa taarifa sahihi na mafunzo sahihi, wana uwezo wa kubadilisha maisha yao na jamii zao.”

Wakati huohuo, amewahimiza viongozi hasa wale wa kisiasa kupunguza vikwazo katika ofisi zao ili kuwezesha vijana kupata huduma muhimu kwa urahisi.

“Vikwazo katika ofisi za viongozi vinawakatisha tamaa vijana wengi. Tunawaomba viongozi hasa wa kisiasa kupunguza vizuizi na kuwafungulia milango vijana ili wapate huduma wanazohitaji kwa urahisi.Vijana wanahitaji mazingira mazuri kutoka kwa viongozi wao. Tukipunguza vikwazo, tutawawezesha vijana kushiriki kikamilifu kwenye maamuzi na maendeleo yanayohusu maisha yao.”

Hata hivyo ameeleza kuwa vikwazo vya upatikanaji wa taarifa huwavunja moyo vijana wengi, na hivyo ni muhimu kwa viongozi kufungua milango na kuwasikiliza vijana wanaotafuta msaada na mwongozo.

NA HARRISON KAZUNGU.